Перу улсад үйлдвэрлэсэн угсаатны хэв маягтай тор, лам гөрөөсийн ноосоор хийсэн, өөгүй чанар, танигдахуйц хэв маягаараа алдартай Oeuf NYC нь хошин шог, уран зөгнөлөөр дүүрэн шинэ цуглуулгаа санал болгож байна.

Тус брэнд энэ намрын коллекциороо 100% лам гөрөөсийн ноосоор хийсэн сүлжмэл хувцасны шинэ цуврал танилцууллаа. Өмнөхтэй ижил зөөлөн ноосон хувцас нь хүүхдийн загваруудад зөөлөн, тухлаг байдлыг авчиржээ. 

Бидэнд гоёмсог зах, өнгөлөг цамц, дунд зэргийн урттай, олон өнгийн судалтай юбка таалагдлаа. 

Хувцсанд хүрэхэд зөөлөн, дулаан, эвтэйхэн. Кардиган болон дээр суудалтай өмд нь Oeuf NYC брэндийн үндэс суурь хэвээр гэдэг нь маргаангүй. Энэ өвлийн хээний хувьд нэг өнгийн солонго, Эйнштейний хөрөг, жүржийн хээ ялгарч харагдана. Хоолойтой ноосон цамц эсвэл шортны халаасан дээрээс жүржний хээг олж харах боломжтой. 

Сарвууны хэлбэртэй халаас, олон өнгийн эмгэн хумс, мөн хэрэм мэт мэдрэмж төрүүлэх дан цамц, эсвэл малгайтай цамцны хослолууд...

Дагалдах зүйлс цуглуулгын загваруудад гайхалтай зохицож, уламжлал ёсоор уран зөгнөлийн мэдрэмж төрүүлнэ: Цүнх, малгай, хүзүүний ороолт, ялангуяа хөгжилтэй харагдуулах  титмийг энд онцлох хэрэгтэй. 

Байгалийн, хөгжилтэй коллекц!