Онцлох бүтээлүүдийн дунд 1920 оны коллекцоос санаа авсан Complicated Desk Clock, Calatrava загвар, мөн дөрвөн функц нэгтгэсэн Quadruple Complication зэрэг багтаж байна. Үүнээс гадна Twenty~4 болон Nautilus загварууд шинэчлэгдсэн хувилбараар, харин Cubitus загвар анх удаа танилцуулагджээ.

 2024 онд анх танилцуулагдаж байсан Cubitus загвар нь спортлог, дэгжин хэв маягтай юм. Дөрвөлжин хэлбэртэй, нимгэн профилтай тус загвар нь анх 45 мм-ийн диаметртэй байсан ч хэрэглэгчдийн хүсэлтийн дагуу 2025 онд 40 мм-ийн хэмжээтэй, цагаан болон ягаан алтаар урласан шинэ хувилбаруудыг гаргасан байна. Patek Philippe уг загвараа дэгжин, нарийн хийцтэй, цагны уламжлалыг үргэлжлүүлсэн төгс бүтээл хэмээн онцолжээ.