Засварын явцад архитекторууд фермийг тухайн үеийн хэрэгцээ шаардлагад нийцүүлэн барьсан гурван жижиг байшингаас бүрдсэн болохыг олж мэджээ. Тэд энэхүү газрын түүхийг сонирхож, ер бусын зохион байгуулалтыг нь хүмүүст харуулахаар шийдсэн төдийгүй үүнийгээ төслийн гол санаа болгосон байна. 

Тус тусдаа байрлах гурван хэсгийг хэвээр үлдээсэн ч эдгээр нь дээд хэсгээрээ хучилтын хавтангаар холбогдож, голд байрлах төв хашаа нь нэгдүгээр давхарт байрлах зочны өрөөнүүд рүү гэрэл, дулааныг нэвтрүүлж өгнө. Хувийн орон зайн хувьд дээд давхарт байрлах цэцэрлэгт илүү тусгаарлагдмал байдлыг бий болгожээ. 

"Casa Rio"-ийн дотор заслыг хоёр түвшинд эрс тэс ялгаатай харагдахаар хийсэн байна. Доод давхарт нь ороход боржин чулуун уулыг нүхэлж гаргасан орон зайд амьдарч буй мэдрэмж өгөх хэдий ч гадаад орчинтой харилцаатай хэвээр байх байдлаар загварчилжээ. 

Харин дээд давхрыг үүний эсрэгээр цэлгэр том, цагаан өнгөтэй байхаар санааг нь гаргасан нь хурц тод гэрэлтэй фермийн анхны байдлыг илэрхийлэх зорилготой аж. Энэ давхар дахь модон хаалт, цагаан хана, паркетан шал нь Португалийн ердийн хөдөөгийн байшинд орсон мэт мэдрэмжийг төрүүлнэ.

Эртний өв уламжлал, архитектурын орчин үеийн байдлыг төгс хослуулсан байшин.