Каса Риналди бол манай гэр бүлийн дээврийн хөндийд хийсэн балзамик цуунаас эхлэлтэй брэнд юм. 40 жилийн тэртээ манай авга ах Италийн Модена хотод уламжлалт бүтээгдэхүүн болох балзамик цуу хийх аргыг олсноор бидний түүх эхэлсэн.  

Манай гэр бүл Итали хоолны соёлын өлгий нутаг болох хоолны хөндий (Food Valley)-аас гаралтай юм. Уугуул Италичуудын нарийн амт, уламжлалт ур чадварыг хослуулан, “Италийн амтыг дэлхийд” хүргэх зорилгоор брендээ хөгжүүлсээр ирсэн юм. Бидний хувьд дээд зэрэглэлийн чанар, мөн цаг үеэ дагах шинэлэг хандлага бол үнэт зүйл юм.

Манай нийт бүтээгдэхүүнийг шинэхэн, хөлдөөсөн, хатаасан гэх гурван төрөлд хувааж болно. Хатаасан бүтээгдэхүүний хувьд паста гоймон, песто амтлагч, тос, давслаг зууш болон чихэрлэг бүтээгдэхүүнүүд багтана. Харин шинэхэн бүтээгдэхүүний хувьд мах болон бяслагийг Италийн уламжлалт аргаар үйлдвэрлэж борлуулж байна. Бяслагийн амт, үнэр, бүтцийг яг хэвээр нь дэлхийн нөгөө талд хүргэхдээ хэсэг тус бүрээр нь хөлдөөх аргыг ашигладаг. Бүтээгдэхүүнийг үйлдвэрлэсэн даруйдаа дотроос нь гадагш хөлдөөхөд энгийн хөлдөөх технологиос хэд дахин илүү чанарыг хадгалдаг.

Каса Риналди нь зөвхөн бүтээгдэхүүн экспортлогч төдий биш, харин Итали соёлыг түгээгч билээ. Бид бусад оронд зөвхөн бүтээгдэхүүнээ бус, Италийн соёл, үнэт зүйлсийг хамтад нь хүргэж, нийгэм, соёлын ач холбогдол бүхий олон ажлыг хэрэгжүүлдэг.